آتدان،سول-ساغدان دوشوب
داغدان،بوداغدان دوشوب
سن سیز وورغون اؤره ییم
الدن،آیاغدان دوشوب
Atdan,sol-sağdan düşüb
Dağdan, budağdan düşüb
Sənsiz vurğun ürəyim
Əldən,ayağıdan düşüb 

اوره ییم،آغ جییَرسن
جانیمدا ایز- اثر سن
آجیلارین ایچینده
بیر قیرماقند،شکر سن
Ürəyim, ağ ciyər sən
Canimda iz-əsər sən
Acilarin içində
Bir qirmaqend,şəkər sən

آتشی آلیشدیرار
ساواشی قیزیشدیرار
کیتاب قاریشدیرمایان
اورتانی قاریشدیرار
Atəşi alişdirar
Savaşı qizişdirar
Kitab qarişdirmayan
Ortani qaristirar

قربان اولوم آللاها
هر زادی پیس یاراتدی
آج آدامی وورماغا
گزمه،پلیس یاراتدی 

دئدی دوز آدام اولون
بهشته اعزام اولون
شراب اولدو،جام اولون
سونرا ابلیس یاراتدی !

قورخمادی آغ- قارادان
اوتانمادی یارادان
افغانستان یارادان
لندن،پاریس یاراتدی

زیروه ده،داغدا ساخلار 
قورو چؤل،باغدا ساخلار
دونیادا بیر انسانی
سئوگی آیاغدا ساخلار

کاساما آش تؤکمه دین
آشیما ماش تؤکمه دین 
سنین ایچین چوخ آغلادیم
بیر داملا یاش تؤکمه دین
Kasama aş tökmədəin
Aşima maş tökmədin
Sənin için çox ağladım
Bir damla yaş tökmədin

کاساما آش تؤکمه دین
آشیما ماش تؤکمه دین 
سنین ایچین چوخ آغلادیم
بیر داملا یاش تؤکمه دین
Kasama aş tökmədəin
Aşima maş tökmədin
Sənin için çox ağladım
Bir damla yaş tökmədin

سوروشدو بیر نفر کی پول قازانماق
نَه‌لر ایستیر ؟ گوج ایستیر؟ ثروت ایستیر؟
دئدیم کی: ایشله مَک ،مال، پول قازانماق 
گؤزل قارداش!گؤت ایستیر،غیرت ایستیر
Soruşdu bir nəfər ki pul qazanmaq
Nələr istir? Güc istir? Sərvət istir?
Dedim ki işləmək,mal,pul qazanmaq
Gözəl qardaş! Göt istir,qeyrət istir

یارالاندیم،دایاندیم
هجران اودوندا یاندیم
من دن بیر شی قالمادی
سَن گئتدین پارچالاندیم
Yaralandım,dayandım
Hicran odunda yandım
Məndən bir şey qalmadi
Sən getdin parçalandım

قارا - آل سیزین دئییل
آغاج،دال سیزین دئییل
آی گؤزو آج آداملار
هئچ بیر مال سیزین دئییل
Qara-al sizin değil 
Ağac,dal sizin değil 
Ay gözü ac adamlar
Heç bir mal sizin değil