لب تشنه و بی قرار شد دریامان 
بر قهر زمین دچار شد دریامان 
از دولت بی تفاوتی های شما
تبدیل به شوره زار شد دریامان

گؤزل یاریما یازدیم
سن سیز بیر سینیق سازدیم
چیچک اولسایدین،سنی
یاخامادان قوپارمازدیم
gözəl yarima yazdım
sən siz bir siniq sazdım
çiçək olsaydın səni
yaxamdan qoparmazdim

ادب عَرض ائدَه بیلمَز
دوز یولا گئدَه بیلمَز
پول اولماسا چوخ اوغول
دَه دَه نی،دَه دَه بیلمَز
ədəb ərz edə bilməz
düz yola gedə bilməz
pul olmasa cox oğul
dədəni,dədə bilməz

حاجی قربان داششاق دردی توتوب،اؤلمَک حالینا دوشموشدو.کندلیلرینی ائوینه ییغیشدیریب،حلالیت آلماق ایسته دی .

مشه یعقوب دئدی : بیرگؤن یوکوم ائششگیمدن دوشموشدو،سن کئچیردین، دئدیم : گل کؤمَک ائیله. داششاغینا سایمادین،کئچدین.
یوکومو تک باشینا قوزادیم، داششاغیم پارتلادی.او گؤن سنی بَتَر قارغیش ائیله ییب ،دئدیم : بارالها بونا بیر داششاق دردی وئر کی امانینی قیرسین...آمما ایندی سَنی باغیشلادیم.

دَلی حسن دئدی: بیرگؤن کدخدا ایله سو اوستونده ساواشیردیم،سَن منیم طایفام ایدین دئدیم گل کؤمَک چیخ.داششاق سیزلیغدان قورخوب ،بیر آی گیزلندین،او گؤن آللاهدان ایسته دیم کی سنین کیمین داششاق سیز آدامی یئر یوزوندن گوتورسون...آمما ایندی سَنی باغیشلادیم.

حسین تویوق دئدی : من آمما سَنی هئچ باغیشلامام .بیر گون توی مجلسینده سَنه گؤلدوم،قاییدیب خالق ایچینده اوجاق سَسله مَنه دئدین :  داششاق ! کؤپگ اوغلو !
او گؤندن هر کیم منی کوچه ده گؤردو مَنه داششاق دئدی ،دی یَه سَن آدیمی داششاق قویوبلار..یا تانری مَنی داششاق یارادیب...او گؤندن لاپ اؤزومو ایتیرمیشم

بو عشق ،هوسه گولمَه
بولبول،قفسَه، گولمَه
سن منیم سن گؤزلیم
اؤیله هر کسَه گولمَه
bu eşq,həvəsə gülmə
bülbül,qəfəsə gülmə
Sən mənim sən gözəlim
öyle hər kəsə gülmə

گؤزلرین،غزل،مئی دیر

گولسَن ایشیم اوکئی دیر

سنی سئومک،دوشونمک

اومودلو،گؤزل شئی دیر

gözlərin gəzəl,mey dir

gülsən işim okey dir

səni sevmək,düşünmək

umudlu , gözəl şey dir

نه گؤزده،نه قاشدا دیر
نه داغدا،نه داشدا دیر
بؤیوکلوک یاشلا دئییل
عقلی اولان باشدا دیر
nə gözdə, nə qaşda dir
nə dağda,nə daşda dir
böyüklük yaşla deyil
əqli olan başda dir

یاریم وطنه دؤندو
روحوم بدنه دؤندو
 داشدان دا برک اوره ییم 
چاییر چمنه دؤندو
yarim vətənə döndü
ruhum bədənə döndü
daşdan da bərk ürəyim
çayır çəmənə döndü

باهار اولدون،قیش اولدون
قهر اولدون،باریش اولدون
دومانلی داغلاریما
چؤلومه یاغیش اولدون
bahar oldun,qiş oldun
qəhr oldun,barış oldun
dumanlı dağlarima 
çölüme yağiş oldun

جنّت اورادیر که آه و ماتم یوخدور
ساقیّ و شراب چوخدور و غم یوخدور
باور ائلمَه پوچ و یالان وعده لری
بوردان سورا هئچ یئرده جهنّم یوخدور

cənnət oradır ki ah o matəm yoxdur
saqi o şərab çoxdur o qəm yoxdur 
bavər eləmə puç o yalan vədələri
burdan sora heç yerdə cəhənnəm yoxdur