قوزادیلار هرزادی جان اؤغرولار         

 آه!یامان اؤغرولار!
وئرمَه دیلر خلقه آمان اؤغرولار              

 آه!یامان اؤغرولار !

جازلادیلار شورتو،گودَه تومّانی     

ایستیکانی؛فینجانی!
باخمادیلار یاپما یاپان اؤغرولار             

آه!یامان اؤغرولار! 

پارچالاری قؤزادیلار،بیچدیلر!            

طؤی داعرق ایچدیلر!
وئردیلر آخشاملار اذان اؤغرولار!        

 آه!یامان اوغرو لار!

گؤل،چیچک احساسا زیان ووردولار!     

هردوروما دوردولار!
ایله دیلر عقلی تالان اؤغرولار!           

آه!یامان اؤغرولار!  

قلبیمیزی آغری اؤلوب سیخدیلار!         

 جامعه نی ییخدیلار!
زلزله،سئل،داغدا دومان اؤغرولار!   

آه!یامان اؤغرولار!

 
خوش باخاسان معلوم اؤلار اؤخدولار!   

رشوه آلیب،سؤخدولار،
گوتلره هر یئرده تیکان اؤغرولار!        

 آه!یامان اؤغرولار! 

سایغی لاری وار،کیشی ،خان اؤلدولار!  

خالقا «باخان»اؤلدولار!
سئل کیمی هریئردن آخان اؤغرولار!         

آه!یامان اؤغرولار!

باخمادیلارریوخسولا،وارلی لارا !            

 یؤللادیلار انبارا!  

«زانتیا»،«پیکان »و«ژیان »اؤغرولار
آه ! امان اوغرولار !

یؤلچولاری،جاده لری میندیلر!                

 ساده لری میندیلر!
هَر دوروم و چاغدا چاخان اؤغرولار!       

 آه!یامان اؤغرولار! 

آهنی،ماشین دالینا آتدیلار!                

یاش کفنی ساتدیلار!
هر گئجه لرقبری قازان اؤغرولار!         

آه!یامان اؤغرولار! 

ساخلادیلار ائوده قوجا اؤغرونو!          

 باشی اوجا اؤغرونو !   
چونکو مریض اولدو جاوان اؤغرولار !    

آه!یامان اؤغرولار! 

ائششگی ایدی سِئومَلی ماشین لری!      

 خشت ایدی بالین لری! 
وارلاری«لگزوز»و «مگان»اؤغرولار!      

آه!یامان اؤغرولار! 

رحم ائله میرلر آجورا،کَرپیچه !       

 واشره،شیر،سرپیچه!
عشوه ساتان یونجا،سامان اؤغرولار!  

آه  یامان اوغرولار

آی تالان اؤلموش ائلَمَه ناله سَن!         

چک یاشووا ماله سن!
بیز گئدریک بوردا قالان اؤغرولار!         

آه!یامان اؤغرو لار! 

قوجاغا آلمیشام بیر سئوگیلی هی !

به آب زندگانی برده اَم پی !

نه پولوم واراؤنوصیغه ائدم من

نه کس را می توانم دید با وی !

اونو یولدا گؤرنده هی قیزاررام !

 رخش می بیند و گل می کند خِوی !

گئتیر جامی دئمه جمشیدِ جم دن!

که می داند؟که جم کی بود و کی کِی؟!

اوتور نازلی قادین سازی قوجاغلا

 رگش بخراش تا بخراشم از وی !!

گلیب اوتراق ائله ای گؤل چمنده

بساط زهد همچون غنچه کن طی !

اگر ودکا تاپیلمیر،عیبی یوخدور

 به یاد لعلش ای ساقی بده می !

بودور عاشیق جماعت آرزوسی :

که باشد خونِ جامش در رگ و پی !

بوگون سَن کَس سسین « حافظ » دانیشما !

حدیث بی زبانان بشنو از نی!

عزیزیم باغبولاغدیر
عشقین منه دایاقدیر
اوره ییمده سن آمما
یولوم سنه اوزاق دیر

شاشش پُر از خاصیت و درمان است

معجون شراب و عرق و آیران است

آلدی الینه شاه کیمین شیخ ایشه دی

بر زندگی ساده که در جریان است

پارادیر باشماقلاری

گؤرسه نیر چاتاقلاری

یوخسول اینسانا اوخشور

پاییزین یارپاقلاری

حرف "سؤز"، گفتن "دئمَک "دیر

ایت " سگ "دیر ،گاو "اینک "دیر

‏میللت بیر گؤزل سۆرۆ

دؤولت یورغون کؤپک‌ دیر

قیزیم،قیزیم آی قیزیم
گونش قیزیم،آی قیزیم

تانری منه وئریبدیر
سن گوزلی پای قیزیم

اوتورما دور گئت گئتیر
بیراستیکان چای قیزیم!

تلگراما قوشولما
عقلین اولار زای قیزیم !

درس اوخو بیر ایش اورگن
هرقیش ده،هریای قیزیم! 

منه محبت گئتیر
بیر دنیز،بیرچای قیزیم!

ایشه گئدنده ائله
منیمله بای بای قیزیم

برقه،گاز اال آتما
گوزله سن ای وای قیزیم!

بو دونیادا تاپیلماز
سن گوزله تای قیزیم

بو ملت اولوب بَتَر تالان ای ساقی

هر کیمسه دن آلداندی یامان ای ساقی

وئر باده نی چیخسین بو فیکیر بئینمیدن

غم دن اولورم گئتمه دایان ای ساقی

ای خوش او گونلر کی بیز آزادیدیک 
پول واریدی،قیزلارینان شادیدیک !
صاحب سرمایه و هر زادیدیک !
گونلریمیز شادیدی،آرامیدی !
    « آخ نئجه کئف چکملی ایّامید ی»

یوخلوق الیندَن یوخودو هئچ گله !
شاکی دگیلدی آج آدام بیر بئله !
ائـتدی حرام مال بیزی لاپ حامله !
آخماق آدام غرق در اوهامیدی !
        «آخ نئجه کئف چکملی ایّامیدی»

بیزلر ائلردیک هامی وقت اختلاس 
ملتمیزده یوخودو هئچ حواس !
قؤزامیشیق دؤرت کامیون اسکناس !
آفتابه اوغرولاری بد نامیدی !
        «آخ نئجه کئف چکملی ایّامیدی»

جامعه ده ظاهریمیز چوخ گؤزل
باطنمیز ساحه سی،چیرکین،دغل !
اوغرو آداملار ، هامی میز مبتذل !
ساققالیمیز مظهر اسلامید ی !
        «آخ نئجه کئف چکملی ایّامیدی»


قاچدیق اگر هر بیریمیز بیر یانا !
گلدی قدَر دولتیمیز میدانا !
دوتدی بیزی ایندی سالوب زیندانا !
کِئشگه بیزیم دولتیمیز خامیدی !
        «آخ نئجه کئف چکملی ایّامیدی»

لیمانا گمی گلدی

غصه،ماتمی گلدی

یار گوله گوله گئتدی

گئتمه میش غمی گلدی