لیمانا گمی گلدی

غصّه ،ماتمی گلدی

یار گوله گوله گئتدی

گئتمه میش غمی گلدی

آداغلار،آلاداغلار

اوجا بوی،قالا داغلار

عاشیق اولوم سئوگیلیم

کونلومو آلا داغلار

کئچر بیزدان سورا ایت باغیمیزدان

دئمَز کیمسَه ناغیل،غم، داغیمیزدان

گل ایچگی ایچ  اولندَن سونرا دایم

ورار کرپیج اجل تورپاغیمیزدان

یاریم گلدی یانیما

سئوگی توکدو قانیما

اوپدوم دوداقلاریندان

جان قاتیلدی جانیما

"یوز""صد" دیر"پنجاه"اللی"

گوشت"اَت"،"بدیهی"بَللی "

پول دئدی بیر یوخسولا

ساخلا مَنی دؤرد اللی 

"گؤز" چشم،"دوداق" لب اولار

"قیزدیرما" دا تب اولار

پیس ایشلره ال آتما

یاواش یاواش دَب اولار

ماست"یوغورد"،نان"چؤرَک"دیر

آب"سو" دیر،دوز" نمک" دیر

هر کیمسه دَه بیر ایش وار

ایشیم سنی سئومَک دیر

یاش گؤزلریم قارالیر

تئللریمی قار آلیر
آرواد اوشاق یانیندا
هرگون اوزوم قارالیر

سلام اولسون سوغانلارا

قاری آرواد بوغانلارا!

موبارک اولسون یئنی ایل

اولوبلار آج و آج میللت دَه دین یوخ 
بو میللت دَه به غیر از آج قارین یوخ 

سیچیب دونیایا گل گؤر، دی :یاشاسین!
ترامپِ بینی بوش،  "چین"و  " پوتین" یوخ! 

تاپیلمیر " وارفارین" ایراندا بیرگؤن
تاپیلسا، هی گئت آختار "انسولین" یوخ

قیز- اوغلانلار سوبای، دئپرس، کَدَرلی
زنا و صیغه چوخ دور، توی، کبین یوخ

نَه دیر ایران؟: بولاشیق بیر خیارلیق 
بو بوستاندا آراماق و وجین یوخ

اولار خوش حالینا یولداش، اگر کی
اوشاغین یا کی آروادین، اَرین، یوخ

چاتار بیر گؤن مَنَه "حافظ" چالیشسین
اگر سعی ائیله سین" ابن یمین" یوخ

" کل اوغلانین" بوتون اشعاری یاوه 
مزخرف دیر،دَیَرلی و دَرین یوخ

#علیرضا_رضائی 
#کل_اوغلان
@keloglan1349