شیخ عشقین ساحه سیندا بیر درین،دؤز سؤز دئمز
ساحیلین سهمی دنیزلردن کؤپوک دیر دایما

آخماق، الی اگری میللتی شاد اولماز
دوستاقدا قالار همیشه،آزاد اولماز
هر اؤلکه نی تسخیر ائله سین ائششکلیک
ویران اولار او مملکت آباد اولماز

باشیم گیجلمز آرتیق
ایشیم دوزلمز آرتیق
گئدیشیندن بللی دی
گئدیب او گلمز آرتیق
başım gicəlməz artıq
işim düzəlməz artıq
gedişindən bəllidi
gedib o, gəlməz artıq

پاییز،قیش،باهارام من
سنه گوره وارام من
مین یول دونیایا گلسه م
سن سیز یاشامارام من
payız, qış, baharam mən
sənə görə varam mən
Min yol dünyaya gəlsəm
sənsız yaşamaram mən

دوز آدامدان نیشان یوخ
یالان سوزو آلان یوخ
یالانچی دان اوزاقلاش
یالان اوسته یامان یوخ
düz adamdan nişan yox
yalan sözü alan yox
yalançidan uzqlaş
yalan üstə yaman yox

داغلاری یاشیل و چوللری باغ اولسون
آغ دیر اوزوموز، اونون اوزو آغ اولسون
ویرانه شّهَر کیمین داغیلمیشدیم من
آباد ائله دی عشق منی ساغ اولسون

اونا جانیم دئمه سین
غم، غصه سین یئمه سین
بیریسین ایستیرم کی
آیریسین ایستمه سین
ona canim deməsin
qəm, qüssəsin yeməsin
birisin istirəm ki
Ayrisin istəməsin