گؤنّش ایشیق ساچمادی

قارانلیقلار قاچمادی

یار گَلمه دی قرارا

پنجره نی آچمادی

‏کئچی بالاسی چَپیش دیر
بهمن،دی،اسفند"قیش" دیر
باخیشلارین سون نفس
گولوشون یاشاییش دیر
keçi balası çəpişdir
Bəhmən, Dey, İsfənd qışdır. 
baxışların son nəfəs
gülüşün yaşayışdır.

‏بیر گون قارانلیق بیتَر

ایشیق ساچار هر سحَر

عشقین تانریسی وئرَر

بیزه یئنی سئوگی‌لر

bir gün qaranlıq bitər

işıq saçar hər səhər

eşqin tanrısı verər

bizə yeni sevgilər

دوداغلاری دولوب قند ونباتدان
گؤزل اندامی معنای حیاتدان
دوداغیندان دئدیم کی:«بیراؤپوش وئر»
دئدی:«هرگزکام آلمازائششک آتدان»!!

حالیم بتر خراب دیر

اوره ک،غمدن کباب دیر

سَن بیلمیر سَن،بیلیرم

بیلمَک بؤیوک عذاب دیر

هر کئچی ارکک اولماز

هر آدام دلقک اولماز

ساققال چوخالسا اوغلوم

یون اولار، پشمک اولماز

بو سؤز بَتَر درین دیر

لاپ دَیَرلی،وزین دیر

آنلاماز اول،آنلاماز

چونکو کئف ائششگین دیر

ایستیرم یاغیش گلسین

گؤزل، بزنمیش گلسین

فرق ائله‌مَز سئوگیلیم

یای گلسین، یا قیش گلسین