الاغین آدینی جیران قویوبلار !
پیشیکین آدینی آسلان قویوبلار!
اداره بوشدورآمما یول کسَنلَر
قاپی قانشارینا دربان قویوبلار !
بویورگل«قزوینه»،بانکین اؤنونده
بو خلقه جایزه اوغلان قویوبلار !
اوره کلی اختلاسچیلا ربوگونلر
سیزین تک بیزلری حیرانقویوبلار !
رئیس ِ بانکی،بانکی،قوزاییبلار!
بیزیم ایچین بیرجیریق تومّان قویوبلار !
بیرینین آدینی « مشدی غضنفر»
بیرینین آدینی «یوهان» قویوبلار!
دئییردی بیر قوجا:«چوخ یاخچی گونلَر
گئدیبلَر کؤنلومو ویران قویوبلار»!
دِئمه هرگز یئیبلرموفته رشوه
بو یولدارشوه خورلار جان قویوبلار !!
دئدی بیرعارف انسان،بیرقیزیل سؤز:
"گدانین آدینی سلطان قویوبلار"