باتیبلار کثافته
پالچیغا، مین آفته
ایت، قورد یول کسمک ایچین
دوشوبلار رقابته
مش حسن تره وئردی
خلقه بال- کرَه وئردی
ستاد ووردو ، ستاددا
آروادین ارَه وئردی
گوموش، قیزیل، مِس اولوب
قودوق ، پِرَنسِس اولوب
گل گؤر ،هر ائششک آدام
دکتر ، مهندس اولوب
دئمَه کی اوغرو چوخدور
قارین ، گؤزلری توخدور
هئچ اولکه دَه، هئچ یئردَه
بیر بئله اوغرو یوخدور
بیر ایشچی دیر، داش کَسَر
داشی قورو ، یاش کَسَر
کاندید اولوب بللی دیر
شورا اولسا باش کسَر
کاندید اولوب ، رای آلار
میزین دالیندا قالار
شورا اولاندان سورا
ملتی اله سالار
گلمَه ییب چاپماق ایچین
ایت کیمین قاپماق ایچین
مش حسن شورا اولوب
تک چؤرک تاپماق ایچین