سؤیوش،کؤتک یوخسولون
یاوان چؤرَک یوخسولون
وطن وارلیلارین دیر
وطن سئومک یوخسولون
Söyüş,kötək yoxsulun 
Yavan çörək yoxsulun 
Vətən varlıklarının
Vətən sevmək yoxsulun 

کیم دئییب تالان اولماز
باهاری خزان اولماز ؟
ایران هئچ واخت دؤزلمَز
آجی سؤز یالان اولماز
Kim deiyb talan olmaz
Bahari xəzan olmaz?
Iran heç vaxt düzəlməz 
Aci söz yalan olmaz 

عقل بیر عارضه دیر
بو یالان دونیادا
عشق بیر معجزه دیر
Ağil bir arizə dir
Bu yalan dünyada
Eşq bir möcüzə dir

ادب سیز خَطرلی دیر
یامان،دَرد سرلی دیر
سایغی،دوشونجَه،ادب
قیزیل دَن دَیَرلی دیر

Ədəbsiz xətərli dir
Yaman,dərdesərli dir
Sayğı,düşüncə,ədəb
Qizildən dəyərli dir

آی اوشاغلار تورکون دیلی گؤزل دیر
من دئمیرَم،گؤزللییی مثل دیر

مغز: بئیین دیر،گلو : بوغاز،رگ : دامار
تابستان: یای دیر و پاییز : سون باهار

پوست : دری دیر،شش: آغ جییَر،کام : داماق
دنده : قابیرقادیر و نرم : یوموشاق

برگ : یارپاق دیر،اؤزو قیرمیزی : پررو
ابر : بولود دور،نان : چؤرک دیر و آب : سو

بِه : حئیوا دیر،انگور : اوزوم، انار: نار
سیب : آلما دیر ،گردو : قوز دور، رگ : دامار

فلفل : بیبَر،باساباس : ازدحام دیر
بخش بولوم دور، سر : باش،انسان : آدام دیر

باید : گَرَک ، ببخشید : باغیشلایین
پدرزن : قایین آتا،محترم: سایین

بدبخت : قاراگون دور،بدبین : اومودسوز
برنده : آپاران دیر و نمک : دوز 

بسترِ رود : چایلاق دیر، بستر : یاتاق
بستنی : دوندورما دور،کودک : اوشاق

وار آج گوز آدام،آج،دَلی،چیلپاق بو شَهَرده
بیر گون ییخیلار چون دولو چاتلاق بو شَهَرده

گؤی دَن آجی، پیس ،درد و بلادان سورا یاغمیر
دریا،گؤل اولور چؤل، قورو،دوزلاق بو شَهَرده

دولت ده توکور طالع ایله دام،باجالاردان
کول باش آدامین باشینا تورپاق بو شَهَرده

مسئوللاری اوغرو،باجی،قارداش الی ایری
کؤک دَن پوزولوب حؤرمت و اخلاق بو شَهَرده

بیر قورد سمیناردا دانیشدی دئدی : ملت !
امنیّت جانی یوخو اوغلاق بو شَهَرده

قوربان کسیلیب بَللی دی کی ذرّه جَه چاتماز
یوخسول آداما،کاسیبا،داششاق بو شَهَرده

آرواد-کیشی نین کارخاناسی باغلانا بیلمَز
تولید اولاجاق هئی دَلی،آخماق بو شَهَرده

سَن سیز گول- چیچَک سولار
گؤزلریم یاشلا دولار
قلبین مَنده اولاندا
اَللرین کیمدَه اولار ؟
Sənsiz gül-çiçək solar
Gözlərim yaşla dolar
Gəlbin məndə olanda
Əllərin kimdə olar ?

بلکه آت-ائششک اولار
بلکه گؤل_چیچک اولار
آدام اؤلُندَن سورا
کول اولار،تزک اولار
Bəlkə at-eşşək olar
Bəlkə gül-çiçək olar
Adam öləndən sora 
Kül olar,təzək olar 

عشق یولوندا شَر اولار
داش اولار،خُطر اولار
یارانین دَرینلیی
سئودییین قَدَر اولار
Eşq yolunda şər olar 
Daş olar xətər olar 
Yaranın dərinliyi 
Sevdiğin Qədər olar

گؤزیاشیمی گؤرمَه دی 
دردیمی سؤپورمَه دی 
تانریا چوخ زنگ ووردوم 
گوشینی گؤتورمَه دی