هئچ کیم سَن تک اولمادی

آنی لارین سولمادی

دنیز ، داغ کیمین ایدین

گئتدین یئرین دولمادی

‏اؤرَک " دِل" ، بَد "یامان" دیر

شب"گئجَه" ، پَهلو " یان " دیر

میللت :" بیر ساری اینَک "

دوولت:" اینَک ساغان " دیر

ürək"del" ,bəd"yaman" dır 

şəb"gecə" pəhlu" yan dır 

millət :"bir sarı inək"

dövlət" inək sağan" dır

            الیم بوش دورمنیم چوخ دور خیا لیم

           یامان دور وضع مالیم،هم دَه حا لیم

            غمیم دَن آغلا ییر نازلی عیا لیم

            اوشاقلاردا یوخو شام نئیلیییم من؟

                                           خدایا گلدی بایرام نئیلییوم من؟

            «حمیدین» تومّانین بندی قیریق دیر!

            «رضانین» باشماغی یِیرتیق،جیریق د یر !

            بیزیم ائودَه آجیندان قیشقیریق دیر!

               بوگوندَه اولدو آخشام نئیلییوم من؟

                                           خدایا گلدی بایرام نئیلییوم من؟

             منی کارخانا دان آتدی ایشیگه

              رئیسم،چیخد یم ایشدن بیرتپیگه!

             منی تشبیه ائدیب قونشوم پیشیگه!

              پیشیگ اولدوم سرانجا م نئیلییم من؟

                                           خدایا گلدی بایرام نئیلییوم من؟

         یوخومدور پول پسته،پول آجیل

          سیچانا اولموشام بو آی دا تبدیل !

         دوروب گلسَه بیزه بایرامدا فامیل

            الیم بوش دور بو ایّام نئیلییوم من؟

                                           خدا یاگلدی بایرام نیلییوم من؟

               غنی نین ایتلری توخوخدور حسابی!

                   چکیرلرهئی اوخا پیشمیش کبابی!

                  منیم قارنیم چکیر رنج وعذابی

                  یوخومدور پول حمّام نئیلییوم من؟

                                              خدا یاگلدی بایرام نئیلییوم من؟

             گلیربایرام اوره گیم قان د یرآمما!

            گؤزوم یاشلاندی دولدو« داملا داملا»!

                   گئدیب قیزلاریلان آنتالیادا

             غنی اوینور«دارادام» نئیلییوم من؟

                                           خدایاگلد ی بایام نئیلییوم من؟

             الیم بَند اولمادی بیرصندلی یَه

             بدهکار اولوموشام«مشد ی ولی»یَه!

             قیا فَه م اوخشاییر«مجنون » دلی یَه!

                             منی ترک ائتدی«لیلا»م نئیلییوم من ؟

                                   خدایا گلدی بایام نئیلییوم من؟

کنیزی ،فرشی ،فراشی آپاردی!

آغاجی،توپراغی،داشی آپاردی!

قوناق اولدوبیزه،بیر اوغرو مومن

گئدنده بشقابی،آشی آپاردی!

یالانچی‌دا دین اولماز

ات آجی شیرین اولماز

آتا- بابا دئییب‌لر

داش اوسته اکین اولماز

یکی دارد هزاران برج عالی

آلا بیلمیربیری بیر پرتقالی !

یکی در حسرت یک نان سنگک !

اوغورلادی بیری یوزمین ماحالی !

نموده اختلاس و در فلان جا

آلیبدیر بانکی ویلای شمالی !

تو بُردی حاج آقا آن نازنین را !

بوراخمیر بیزلری فیکر و خیالی !

به مسجدرفت دزدی تا بخواند

نماز و قوزادی اون تاختا قالی !

از آن روزی که دیدم نرخ ها را

منیم مغزیم ائدیبدیر اتصالی !

ترقی کرده پول ما، نه دن دیر

اولوب بش مین تومن بیر بش ریالی ؟!

تعارف کرد قزوینی پریشب

آپاردی کافه یَه« مشدی جمالی»!

به خنده، باهزاران لطف و تکریم

سالاملاییر نییه تولکو شغالی ؟!

شدی راننده بشنواین سخن را

قاباقاباخ ولیکن گؤزله دالی !

خبرآمد که رستم برسرمال

اؤکؤز تک اوخلادی داغلاردا زالی !

خودش زن باره،چون اوعاشقانه

اؤپور اوغلانلاری آزغین عیالی !

مجرّد درغم زن،زاهد شهر

هرآیدا عقد ائدیراون بش مارالی !

حبیب الله باشد کاسب امّا

یالانچی،اوغرودور ، یوخدور مثالی !

سئویر«کلثوم ننه» لاپ بربری نی!

«کل اوغلاندا » ده سئویر «تیم رئالی »!

هلو صادر اولور قزوین،کرج دَن!

اوغورلوب وارلی اینسان کور،فلج دَن!

اوجاسسله دئییردی یونجالیغدا:

«سکینه دویمادی حاجی فرج دَن»!

دئمَه دشمنی ایستیر

یاسی، سونی ایستیر

چوخ آغیر داریخمیشام

اوره ییم سنی ایستیر